معنى الوجود

انا علمتنى الدنيا استنى الامل

ويّـا اكتمال البدر فى يوم التمام

ميهمنيش الفرح جوايا اكتمل

يهمنى بس انى اشوف ف عنيه ضياء

ومهما كان الاشتياق

لسه البراح راسم على عينى الطريق

والف ميت مليون بريق

بيشدنى

وحجات كتير بتهزنى

وانا قلبى كالنخله العجوز

تحدف من العرجون بلح

وتخاف تخااااااااااف

على قلب طيب ينجرح

وساعات كتير انا بنهزم

والقى السكوت بقى شىء مُلح

وساعات بسافر جوا جوايا واعود

ف ايديا ريحانه وبنفسج

متركبين على احلى عود

القانى بعشق من جديد

معنى الوجود