ومن صغرى
بحب البحر وعروستة
طراوته
وضحكيات موّجُه
دفا قلبى بشموسته
ومن صغرى بحب اسمع غُناه للصبح
وفرح الفرح لو هلت ..
عروسة البحر
ياخدنى السحر ف ضياها
وتكمل فيا ضحكايتى
أدوب مع نفسى جواها
عروسة البحر دى حكايتى اللى غاوية الصعب
يا نبض القلب ..
إيه مالك؟
بتعشق فيها موالك
وتكتبها امل موعود
وشمعة ليلك الحالك
ولما كبرت حبة كمان
بقيت أسمعها لحن حزين
ف شهقة ناى
و عزف كمان
وفية واصل ما بين البين
عروسة البحر جنيه
وانا انسان
بحب ألقاها فى صبيه امان وحنان
ولو دار الزمان بيا
ف أى مكان
بتفضل نبض غنيوتى
عروسة البحر
ليست هناك تعليقات:
إرسال تعليق