لأ مش عايز
أشغل روحى بأى بصيص
ألم الجرح أهوّن بكتير
من تخدير دم الأحاسيس
لأ مش عايز
واوعى يا نبضة قلب الحرف
توهبى سِرك
أى خسيس
من كتر أوجاع الحروف / نزف الكلام
شرشر على جدار الحقايق شكوته
مين فين بالظبط الملام ؟
يا وكسته
إللى ضرب لخمه وصرّح بالآهات
وإللى لسان كدبه بيطول كل يوم ..
عشرين قيراط ..
دى لذيذة خالص كلمته
هتصدقى لو قلتلك
فيه الف شىء جوانا مات
دارى وجيعتك يا صبيه
ولملمى توب الحروف
قدامنا مليون ألف خوف
محتاج لكلمة حق / تبرق كالشهاب
تقدر تنور للى تايه سكته
ليست هناك تعليقات:
إرسال تعليق