إيه الحاصل هنا بالظبط
انا يا خونا يادوبك روحت
اشترى طابع بوسته وجى
بينى وبينكم تهت ودوخت
أغمن خالص يعنى علىّ
أصلى لقيت ف السكه زحام
إشى طوابير علشان العيش
ومتاهه وخناقات وكلام
والبنزين شاحح ومفيش
غير بس السوبر يا همام
والحضرى الهاربان م الجيش
تعطيش ف وسائل إعلام
والاسعار آل طاشت طيش
ولا حدش بسببها مُلام
واللى خنقنى وحير فكرى
دا التهميش
للحاصل لخواتنا ف غزة
ولما سألت يا ناس ع العِزه
قالوا خلاص
بيفرقوا على روحها خلاص
رحمه ونور
هُب لقيت الكون حواليا
يا ناس بيدور
مش عارف مين طفى النور
مش عارف مين طفى النور
ليست هناك تعليقات:
إرسال تعليق