كاس سِــك

وف الحتادى يا غاليه
لانا شاطرولاحريف
تعبت بجد يامايا
من التزييف / وألف خريف
بيسرق جتتى منى
رجمت اللى بقى ف خجلى
وقلت إجمد
مهى مره ياواد فى العمر ..
إيه يعنى؟
وشجعنى إنه للتوهه
دوا موصوف
هقولك حاجه يا مايا
كتير بلقى النهار مكسوف
و شمسه لناس وناس لاءه
ومتكتف بحبل ظروف
يُـفط بتقول / وصحن الفول / بدمع الزيت
وعرق الخلق معجون خوف
بلاش يا مه
بلاش احسن
لا عمرك يامه راح تنسى
ولا هنسى يا ست الحسن
يا اجمل غصن ف فروع الزمان ..مالك؟
دا موالك
بطعم المر متعتق قوى يامه

عنييـــــــــــد

عنيد جدا وقلبك

أعند كتير منك

شايل أصول كلمتك

جوه حدود سِنك

عمر الهموم ما ف يوم

قدرت تحوش صوتك

ورهنت موت كلمتك

ديما بيوم موتك

فعشان ضميرك عفى

أوعاك تغيب عنى

والقاك صديقى الوفى

قربك / يطمنى

إدلق دموع فكرتك

فوق الورق صوره

مرسومه وبدون رتوش

وقلوبها مكسوره

هتجيب منين الفرح

و العتمه مبدوره

خليك كدا يا قلم

لونك بنفسج حر

عارف حدوده ومكانه

ولا يشتكيش المُر

إسمعنى يا ضى عينى

ألوان كتير بتغُر

بتعانى ؟؟

إيه يعنى عانى

واكتب ولا يهمك

هيا المعانى هتخرج

غير من رحم همك

بذمة ذبذبات خوفك

بذمة ذبذبات خوفك
ولامعة ..
دمعتين شـــوفك
وتفــــــــانين
حرفك الــــ بـكاش !
منا مصدق خرابيطك
وحتى إن كانله جى / ولا جاش
أو أتغطّس فى محيطات الوجع يامـــا
حسب تعبيرك الماصخ
وأكتره باش
هيبقى
منه باقى أكيد
هيبقى بكل مكنونه
كما نونو
أتولد لحظة ..
هلال العيد

حسن عبد الحليم

عم الراوى / يا راوى عطشنا

ياللى كلامك غاوى المغنى

لما تغيب عنا ..

بتوحشنا

وبنشتاق جدا ..

ســـمّـعنا

وأحكى بدون أيتها رتوش

المش باين جوه الصوره

والأصلى الباين مغشوش

قول يا شاعرنا ..

كيف التعلب فات .. ؟

ما قالوش !!!

فاضل إيه يا راوينا بعقلك

مش متباع

ولا خصــ / خصـــو/ هــوش

يا بنت الإيه يا جنيه

يا بنت الإيه يا جنيه

يا ساكنه ف قلب نبضاتى

وشايفه / ميه على ميه

مــــــــــــداكى ..

كل محيطاتى

.

.

بس مش هترجى قلبك

لجل ما يقول الحقيقة

مش بحبك ..

أيوه / جايز

بس لو غاب عنى طيفك ..

لو دقيقه

ببقى عايز

أكتبك كل الغناوى

واســمعك كل الحكاوى

حتى شُــــــوفى

برضه غاوى

يلمحك عنوان وأرض

مش بحبك؟

يعنى / فرض

بس مش مفروض أسلم لحظة بيه

وأسألى المكتوب ف دمعاية البنفسج

اللى طاله من عنيه

مش بحبك ..عارفه ليه

اصل دى الكلمايه أصغر

م اللى مكتوب جوه روحى

واللى عاش مستنى ديما

إنك انتِ تكمليه

على صفحات الشتاء

وعلى صفحات الشتاء ..

حنين وذكريات ومـــــطر

فى المساء ..

يتسكع دخان لفافات التبغ برئة متعبه

و يحلو لى كوب الشاى الذى يرسل دفئه مباشرة إلى قلبى

بينما روحى بكامل قواها الحسيه

ترتقب وجه القمر من بين أغصان شجرة الفيكس العتيقه

التى يحلو لها ان تزيد النواظر شغفاً مداعبةً تارة ومعاندة أخرى

حتى يبدو لإخضرار أوراقها بريقا صنعته لتوها قطرات من الندى

وفى الصباح ..

أتوارى بين أستارالضباب

التى تلقى بصقيعها مباشرة إلى حنجرتى

فتخرج بعضا من اسرارى عبر بخار أبيض

كــــــــأنه

من بقايا تبغ المساء

وأجمل ما فى الشتاء

مطـــــــر

أتى لتوه من عنان السماء

رحمة

ترجف القلب رجاء

يا بْـــتسامة صبح

يا بْـــتسامة صبح بتشرشب ضيا

فوق بـــــــــراح أبيض ..

ف أبيض

لون قلوب الأوليا

لملمى أكتر وأكتر

وأحلمى و..

قلبى اللى ساكنك

هو بس عليه يفسر

انا هحلم

أنا هحلم

هسجل كل صفحاتى ف حلم جميل

خليط من نبضى واهاتى

ف عز الليل

مع المواويل ف صوت الناى

مع الضى اللى فارد للوجود نوره

ويوم ورار يوم بنلقاه جاى

مع ورده بتدينا عبير صافى

بتتحمل الام الشوك دا كله إزاى

هعيش وياها واحلمها

وأدفن المى ف آلامها

تعالى معايا جوه الحلم يلا نعيش

ولا يهمك

اذا كات كل ايامنا بتاخد بس

ما بتديش

وبتذود كمان المك

تعالى نصاحب الشمعه

وتمسح إيدى مع إيديك

على خدود الزمان دمعه

تعالى نصالح المكتوب على جيبنا

ونرضى نعيشه بس بتوب

يدارى حزن ملازمنا

تعالى نصحى جوانا

ضمير تانى

يكون عايش ..

ويتعايش

مع كل اللى مش قادرين

وبيشاهدوا انتحار الحلم جواهم

ومش قادرين

تعالى نمسح الشكوى

على جدار الزمن كترت آلام الناس

تعالى نزرع الأحلام دا انا خابف

تموت الرحمه ف قلوبنا

يموت من عمرنا الاحساس

تعالى نزرع الياسمين شجر للحب

وما يهمش هيدى عبيره بس لمين

مادام هيصحى يا ملاكى

الأمل ف القلب

وهم

ودائما .. دائما

يكتبنا الحرف

وتحت وطأة خدرالتوحد

نتوهم ..

أننا نكتبة !

لســــه بــاقى بــاقى

ومين قلك ؟

بإنه يعنى هيسلم

زهق ؟

جايز !!!

وبات مغلوب فى عِـــز إنه

مــ كان فايز

وشال أوحال

ضريبة حلمه للطيران

وكان عاوز

يفرق ع القلوب سكر

ولسه ف اللى باقى باقى

أو يمكن ..

يكون أكتر

العندليب

صباح الصدق يا شاعر ..

بدبة نملة الإحساس

صباحك يا جميل ساحر

وقلبك / الشقى

حساس

صباح الفل ياااا عم الجمال كله

دا لمّـا تطل

بيهل ..العبير كــله

ولما تفن بحروفك

بحس غُـناك

صباحك عندليب درويش

وحبة نبض

ومعانى

وأغنيه

نغنيها بحب معاك

حلوة ورداية البنفسج

حلوة ورداية البنفسج

واللى أجمل همسها

كل لحظه بشوفها قلبك

أبتسم وأشرح لها

تحتوينى اللحظة وأطمن قوى

حلوه أكتر دنيتى لما ببقى ف قُربهــا

لسه لسه

لسه لسه / بجد حاسه

باللى باقى عشان عيونك

وإللى خبيته ف جوارحى

لجل يوم ما يكون ..

يكونك

تكتمل تفاصيل ملامحه

لما يتشرّب / حنينك

لسه لسه

حبيبتى حاسه

إن أجمل لون لعمرى

هو لونك؟

ممكن تحكى لنا حكاية حرف محمد سعيد وامتى بدأ ووصل لفين ؟؟

البداية : من زمان

قد إيه ؟

والله ما اعرف

بس عارفة ..

قولى من مليون سنة

ولو تحبى بجد أحلف

أما حتة إنى أَوصل

فالوصال ..

بالشعر أوصل

جمال النجار

على مد شوف قلبك جمـــــال
يا مسا الجمال .. ياعم
وحشتنا والله طلتك
ومحبتك ف الدم
يا مسا الجمال والحروف
وعمنا حداد
وسعد باشا
وناصر
وكل كل..
الولاد
يا مسا الجمال ياجمال
يا غتوة مصرية
كتب حروفها جاهين
إيمان وحرية
وعملــ لها بالضيا
من قلبه سيد / حجاب
عاشقين ترابها يا خِـــى
وف حضنها أغراب

عصام علم الدين

أنت يا بنى جنسك إيـــه؟
أنت معجون من مشاعر ؟
طب يا شاعر
خِـــف حبة
دانت جملت بمشاعرك
إللى جوه البورترية
غاوى ترجف نبض قلبى
ليه يا صاحبى
مانت عارف ..
مكنونات الشعر / فيـــه
قول بجد ياصاحبى ليه
الغُـــنا ف حرف مخاوى
حتى نبض المعنى غاوى
يسكنك
وتحس بيه
تكتبك / روحك / قصيده
ألقى نفسى
بسرعه خالص
ف المكان إللى إنت فيه

حب الناس

إنتـــ ترد ف أيها وقت ..
وبراحتك
منين ما يطاوعك المعنى
وباب الحرف يفــتحلك
وترتاحلك
ساعات البوح
وسيبك يا جدع سيبك
من النابح
ومـــ المنبوح
وصفى الروح
تشوف أكتر
قواله الخلق ف الباطل
غبار خانق
مغمق لمعة الأخضر
لا حرفك واحدة هيشيله
ولا حرفى الحـــــــزين ..
يقـــــــــــدر
فعبّر بس عن جوعك

وحُـب الناس
وفكر بس ف دموعك

على اللى مات

من الإحساس
هتشعر إن موجوعك
ضمير عايش
وبتحبك
عشانه الناس
وبتحبك عشانه الناس

ولسة ياما هـنّْـعكِــش

ولسة ياما هـنّْـعكِــش
بحرف الكلمة ع المضمون
ندوس ع الآه وما يهمش
يكون مايكون
جميل الشعر لو عاقل
ولو مجنون
جميل أكتر
لأنة بمجملة أحلام
مسيرها ف يوم هتتفسر
جميل الحرف لو باحث
على نفسة
بيكتب نبضة سطر بسطر
ويحكــــــى
إللى بيحسُــه
وبيصـــــور
رؤاه بوضوح
جميل المعنى لما يكون
بقلب وروح وشفافية
كيـــــــان شاعر

من أول السطر ...

من أول السطر ...
إللى أدمن دمعيات الحرف
وضجيج خطوته
وعند أخرنقطه شيبت الكلام
لسانى بعشق ضمته
وبحس جداً كسرته
وسكونه فى لحظة ملام
ولسه فيّا يا صبيه
ألف مليون ألف صوت
مشتهى طعم الغُنــــــا
أما موتى ..
ف السكوت

وما يهمش

منيش خايف

وما يهمش

نقضيها دموع ف دموع

مادام الجوع ف أوصالنا

كدا .. بينهش

كما المفجوع

وصار الشوك

قوى مشبوك ف جوارحنا

لابد حروفنا هتسررررخ

ف وش اللى سلب

أجمل ملامحنا

يجوز حرف إتكتب م القلب

يكون وقت الضرورة شموع

نوبة بكــــــــــــــاء

كنت وما زلت على يقين بأن الدمعة تثمر

وأن نوبات البكاء أمر ضرورى كنوبات رى شراقى الارض

تمنحها حياة من جديد

فأغلب ظنى ان شراقى الانسان أشد حاجة لماء خصوصيته الملح

وفى كلتا الحالتين تعود السكينة من جديد إلى الارض بعد نوبات الرى

وكذا إلى العين بعد نوبات البكاء لتثمر الأرض خيراً وتثمر العين ضوئاً

مع الفارق فى نسب الأخذ والعطاء وهذا فى رأيى لا يهم

فقد علمنى الحزن أن أمتطى صهوة الوجع مدججا بالصحو

وأعيد قراءة تاريخ أوجاع الانسان فى دفتر صفحات العمر

لأجدنى اكثر الناس حظا بزيارة هذا الوافد المعقّمْ الجرىء

الذى يأتى لاجراء أدق جراحة بالقلب ليعيد دوزنة أوتار الانسانيه فيه

حتى تصبح اكثر استشعارا ورقه

وللجراحة أثارها الجانبيه طالت ام قصرت مدتها

علينا تحملها بجلد ومثابرة

كما إنه علينا دفع الفيزيتا كاملة وعن طيب خاطر !!!

أول سطر الآه...

شفتى إمبارح ماتش الأهلى
شفتى الماتش ؟
والواد صاصا ..
قالى يا بابا
الأبلة مجتش
والجورنال زعلان على حالى
قلت ف بالى ..
متعبطش
فكك بقى يا أميرة السيرة
وخدى حرفينى
من غير زق
أول سطر الآه كتبتنا
وأخــــر سطر
( ومابينهم بالظبط حياة )
مقدرناش على لاء
ف الأول
ومّــــا كبرنا
عرفنا الآه

الانثى أجمل مخلوقات الله وأغلاها

للعذارى سمت شديد البياض
حرى بنا أن نعتنى بة كما نعتنى بأجمل وأثمن ما نملك
قدر شاق
ولكنه نفس القدر التى تحملتة بحب وطواعية العذراء مريم
لتصبح أما لاحد أنبياء أولى العزم و مضرب المثل فى الطهر
حتى القدر التى تلاقية عذراء الحشرات تمهيداً لدورة حياة جديدة
فى لقطة تستحق المزيد من التأمل
فكم من آلام الصمت تسحقها وهى تركن للإعتكاف عن طيب خاطر
حتى تستمر منظومة البقاء
حمل ثقيل
وقدر أصطفى بة الله عز وجل الانثى أجمل مخلوقاتة وأغلاها

مش عارف مين طفى النور

إيه الحاصل هنا بالظبط

انا يا خونا يادوبك روحت

اشترى طابع بوسته وجى

بينى وبينكم تهت ودوخت

أغمن خالص يعنى علىّ

أصلى لقيت ف السكه زحام

إشى طوابير علشان العيش

ومتاهه وخناقات وكلام

والبنزين شاحح ومفيش

غير بس السوبر يا همام

والحضرى الهاربان م الجيش

تعطيش ف وسائل إعلام

والاسعار آل طاشت طيش

ولا حدش بسببها مُلام

واللى خنقنى وحير فكرى

دا التهميش

للحاصل لخواتنا ف غزة

ولما سألت يا ناس ع العِزه

قالوا خلاص

بيفرقوا على روحها خلاص

رحمه ونور

هُب لقيت الكون حواليا

يا ناس بيدور

مش عارف مين طفى النور

مش عارف مين طفى النور

عروسة البحر

ومن صغرى

بحب البحر وعروستة

طراوته

وضحكيات موّجُه

دفا قلبى بشموسته

ومن صغرى بحب اسمع غُناه للصبح

وفرح الفرح لو هلت ..

عروسة البحر

ياخدنى السحر ف ضياها

وتكمل فيا ضحكايتى

أدوب مع نفسى جواها

عروسة البحر دى حكايتى اللى غاوية الصعب

يا نبض القلب ..

إيه مالك؟

بتعشق فيها موالك

وتكتبها امل موعود

وشمعة ليلك الحالك

ولما كبرت حبة كمان

بقيت أسمعها لحن حزين

ف شهقة ناى

و عزف كمان

وفية واصل ما بين البين

عروسة البحر جنيه

وانا انسان

بحب ألقاها فى صبيه امان وحنان

ولو دار الزمان بيا

ف أى مكان

بتفضل نبض غنيوتى

عروسة البحر

عصام علم الدين

كلامك ياد يا عصومه
شقى شقاوة
بجد بحسه من قلب انفطم ع الصدق
وعاش العمر بيدور على الاحلام
يجوزإنه صحيح بالزق
لكن عايش
بيعرف إمتى قولة آه
وإمتى الأ
بدون ما يساوم المعنى
ولا يسأل ..
هتاخد إيه ؟
وتدفع كام ؟
كلامك يا بن خالى تمام
فإسمحلى
بقى بالعصر
عشان حبة شراب منك
تخفف م الوجع ياما
كحبات الندى ف الفجر
أقولكشى من الاول يا عصومه
جميل حرفك
بيبرق زى سبحة يُسر

آهين يا دم الحرف

آهين يا دم الحرف
لما بترتجف جوه الوريد
آه يا متاهه اتبعترت فيكى الآمال
إيه الجديد؟
لسه السؤال ..
عمال يلفلف ع اللى ضايع
مش لاقيه
وف كل مره يحس مر
يمرره على ألف تيه
وبرضه ..
بيّدور عليه !
لساك برىء
ياحلم ويّـا الفجر طل
رسمت خطاوى سكته ضحة وليد
لساه عنيد
كل اللى يقدر يحتوى لطشة وجع
أكيد أكيد
لساه بطل

ألم الجرح

لأ مش عايز
أشغل روحى بأى بصيص
ألم الجرح أهوّن بكتير
من تخدير دم الأحاسيس
لأ مش عايز
واوعى يا نبضة قلب الحرف
توهبى سِرك
أى خسيس

من كتر أوجاع الحروف / نزف الكلام
شرشر على جدار الحقايق شكوته
مين فين بالظبط الملام ؟
يا وكسته
إللى ضرب لخمه وصرّح بالآهات
وإللى لسان كدبه بيطول كل يوم ..
عشرين قيراط ..
دى لذيذة خالص كلمته
هتصدقى لو قلتلك
فيه الف شىء جوانا مات
دارى وجيعتك يا صبيه
ولملمى توب الحروف
قدامنا مليون ألف خوف
محتاج لكلمة حق / تبرق كالشهاب
تقدر تنور للى تايه سكته

كلام ف الجون

كلام ف الجون
ورغم نجيلة الترتان
وجمهورنا اللى مش .. دريان
بيرجف شبكة الاحساس
حنين الفكرة للمضمون
وكان لازم
يا معنى بيستهجى الحلم ..
مش راضى
عشان راضى
يعيش العيشه
وبفطرة : بداية الكون
ودا بالطبع مش لازم
ولا مأمون

شتات

وبالكربون
طبَّع حِبر الوفا بالصدق
حكاية جرح مش بالمره إنسانى
وأه يا جدر احزانى
بتعشق غِوّط غِوّط الصمت
تتلذذ بكتمانى
برغم إن الحروف واجعه
بتعلن إن
حمام البن
مش راجع
ولا رجعه
فإفرح يا جفا وهيّص
وافرد فينا دراعاتك
وضلم كل ايامنا
بطلة شوم ف قسماتك
وعيّشنا كما الاموات

تشكيك

التشكيك تشكيل سيريالى
خلطه إحساس ميه الميه
محض جنون ..

وأهو جه على بالى
سيريل لوغاريتمات عصريه
يفضل حاير نبض سؤالى
مش تخاريف ..
على قد ما هيّا ..
رحلة قلب مغامر جدا
فى المساحات الغير مرئيه

هانى رمضان

إنت يا ماسك ناى الغربه ..
وهات يا عياط
بس يا عم
يا شارب هم
وبتجلدنا
بأقسى سياط
هتصدقنى لما هقولها ؟
ولا هترفع حاجب قلبك
وبدمعاتك تصرخ فيا :
إلعب غيرها
بس يا عم
لو فيه واحد بيك مهموم
فيه ملايين معدومى الدم
آسف آسف
أجدع حاجه
تعمل نفسك مش مهتم
أوتر قلبل الفجر بساعه
واسجد
وإدعى
قادر ربك
ف جزىء لحظه
يزيح الهم

نِــدعات دفـــــا

(1)

لما دى يا دوب يا دوب
ندعة دفا
يبقى يا بحر الحنان
يا ابتسامات الصفا
شكله إيه مكنون كنوزك
قلبى سِكنك ..
وأكتفى
أصله حس آمان آمانه
حس خالص بالشِفا
من يادوب يا دوب يا دوب
نِـدعة دفا

(2)

ندعة دفا
متلفلفه بحبة حنين
نزلت على فرعين صُغار
كانو يا عينى دبلانين
دبت ف اوصالهم حياة
آهين وأه
صعبه الحياه من غير دفا

(3)

ندعات دفا
من قلب انسانى بجد
رقت معاها الاغنيات
هدت حيطان التلج هد
واتشعبطت ويا النسيم
بقى زيها
دابت ملامحه ف سحرها
وحس رقة نبضته
من قلبها
المليان دفا

(4)

نِـدعة دفا
سقت عطش ايام عجاف
وف لحظه لملمنى الهوى
حسيت ساعتها بإرتجاف
قلبى الصغير كان بيرقص م الفرح
وكأن عمره ما إنجرح
ولاحتى خاف

(5)

نِـدعة دفا
أخدتنى على شط الصحاب
حسيت معاها بالآمان
ونسيت قساوة لغتراب
وف لحظه بدر الود بان
طبطب على قلوبنا الوفا
فتّح ترابيس البيبان
من بس ندعاية دفا

(6)

ندعة دفا
لفت عبيرها ف وشوشات
هزت فروع احساسى
على همس النايات
والنسميات
طرحت ثمارها المدهشه
بلون الصفا
من بس ندعاية دفا

(7)

أه م الدفا
لما يكون شمعة فرح
وقت إنهزام قلب الضيا
تقدر تقيد
آه م الدفا
والزقزقه
والرفرفه
بجناح حروف المعنى
وبإحساس فريد
تروى عطش
حبة مشاعر مرهفه
ندعات دفا

صلوا على الحبيب

صلاتى عليك وتسليمى يا ابو الزهراء

وشوقى إليك مخلينى احس محبتك ترياق

يا أروع قلب مش شاعر بنفسه وبس

وأحزانه عشان الأمه يشملها رضا الخلاق

من روائع مظفر النواب

أُحاور روحي أحاورها..

وكل حوار مع الروح ماء

بكى طائر العمر في قفصي

مذ رأى مخلب الموت

ينزل في صحبه

ويَكُفّ الغناء

مــتى ؟؟

أيهذي العروسُ

يجـــــــيء

الزمـــان

الصـفـــاءُ

ف عز الليل

ف عِز الليل

قمر سهران

ونجم يوشوش النسمات

وأنا وهيا :

بنتسامر

تاخدنا اللحظه ف مداها

على جناح الهوا

نســـــــــافر

ما نشعر قد إيه م الوقت

عدا وفات

ف ليلة لكتمال الله

عقود الضى

شىء ساحر

نخبى حلمنا فيها

فتتبسم

بطيب خاطر

ويحللنا الـــقا ديماً

ف عز الليل

من روائع مظفر النواب

يا لانتشائك إذ يهَزَجَ البحرُ

بالزبد الزئبقي..

ويزهو اللبرجد واللازورد

إذا هزج البحر

فالكون زاءُ ملونةٌ

فوقها شدةٌ.. فوقها شدةٌ

ثم مــــدُّ

وللشدِّ من بعد ذلك شَدُّ..

وللشدِّ شَــــدُّ

وإني على الحبل من مركبي..

في الظلام أشُدُّ

وعلى دفتي في الهزيع

كما خصر أنثى أشُدُّ

وتندمل الآ ن يا صاحبي

فالنجوم هنا لا تُعَدُّ

وأنت كما خلق الله في نشوة الخلق

بين الصواري يؤجج ما قد تبقى

من الشيب برقٌ

ويعبث فيما تبقى من القلب رعدُ

عجيب صراخك في غمرات البنفسج..

والكــون

إذ يصل العتبات الأخيرة

في غفوةٍ لا يَنِدُّ

عروس السفائن

لا تتركيني على أنقة الساحلين

يَجِنُ جُنوني إذا رنَّ في هدأة الليل بُعْدُ

أهيــــــم

أهيم إذا رنّ في هدأة الليل

بُـــــعْدُ

سفينة الحلم

ف الصمت حروف من خوف

مكتوبه ف كل مكان

يا سفينة الحلم السايره

بلا شاطىء أو ربان

بتلاطمى الموج العالى

من فوق بحر الحرمان

رسينا قوام وتعالى

نرتاح على بر أمان

بينا ومن أعلى الصارى

نختار البر يكـون

مفهوش أحزان يا سفينه

يكفانا عذاب وشجـون

ما يهمش شكله ولونه

ولا فيه أضواء ونيـون

ببساطه تكون من كونه

هادى وصافى وحـنون

أشجاره تكون ضليله

وتساع ف مداها كتير

ونفوس صافيه وأصيله

بتشع محبه وخير

يجمعها ف لحظه أدان

لعـبادة رب كبير

وقلوب مليانه إيمان

إخلاص ووفاء وضمير

نفسى ف انسان يا سفينه

على وشه يبان جـواه

من قلب الحِس يحِس

ومشاعره تكون سبقاه

يعصر أحلام احلامه

ويصيغها معــانى حيــــاه

آه لو لقتيه يا سفينه

أو حتى لمحتى ضياه

لمى شراعك والدفه

وارسى بسرعه ف مرساه

يا صدق خلاص

يا بياض الفجر ياهازم ليل مجهول

يا نسمة صبح .. فى عز الصبح

ولسة بتول

يا حبة ندا .. مخنوق النِدا

مشتاق للقول

يارزاز العرق المتشعبط ..

فى جبين شقيان

ياصدق خلاص .. قربت خلاص

من انك تصبح فى خبر كان

عتلم

بدأ الكلام يا عم عتلم من هنا

من بين تباريح الالم ..

خرج الكلام موجوع

نفض جبينه من عطش

وهز وياه الف جوع

لكنه ف الاخر ملك

رفض الخنوع

هِز المشاعر هِزها

واشهِر حسامك يا بطل

خليك جسور

كسر حيطان العتمه

ف دروب الحيارى الطيبين

انا نفسى احسك مره واحده ياأخــى..

منتاش حزين

وتزيح صخور همك ..

يا همك يا جدع

مش راضى يهدى ويستكين

جابر المصرى

الله على صوتك

ترانيمك

ضحكة سنك

والعشق ف روحك

تكوينك

شريان م نيل جارى ف دمك

يا اسمر يا حليوه

يا أبو القسمات

الصدق متبت ف مشاعرك

وشباكك قافشه الاحساس

مفطوم ع المعنى اللى بخيره

متربى على حُب الناس

عوام

وعوام ف بحور الشعر

خطفت قلبه جنيه

مسك وسط الشُعب كراس

وسلم نفسه للاحساس

وهات يا وصف ف الازورد

وحنين الياقوت للماس

فداب جوه المعانى دوب

وحَسْ إنه ف لحظه يا دوب

صغير جدا

عشان قلبه الشقى فعلا

كيان حساس

ردار

ذبذبات الرصد خايفه

ف تنهيداتها وف غُناها

بس رغم العتمه شــــــايفه

كل سراديب المتاهه

بتحكى صح

واللى أنقَح إنها..

من غير لحون الأن أنا

غاويه الغُنا

لحد ما المضمون يصحصح

إحساس سؤال

منيش سائل

لكن يمكن راح اتاقل شويه كمان

ساعات فعلا من التوهه

يضيع من خطونا العنوان

لكن ديما بنتلاقى

ف صفحة عمرنا الإنسان

وجع واحد

مصير وكيان

همس الإحساس

ويوم ورا يوم

بيكبر برعم المعنى

لحد ما يبقى ضليلة

تجَمّعنا

مادام لسانا بنحاول

نشوف بالروح

منين ما نروح

هانسمع همسة الإحساس

وبحروفنا هاتسمعنا

رباعيه

رق الهوا.. والهوا لما يرق بادوب

احس قلبى وليد داق النهار يادوب

نَقَش النسيم همسته على طلته الحلوه

دالقسمه وعد ولقا كان من زمان مكتوب

آه

آه يا صرخة حق بتشق السحاب

آه يا كلمه

اقوى من قلب الاسد

آه ياقلبى يا للى نابض

قولي أيه جواك فسد

آه يا كل حروف حقيقتى

رجرجينى وصحى نومتى

حركى صمتى اللى طوّل

بين شبابى وبين طفولتى

لسه دمع الاقصى سايل

لسه متحمل رعونتى

لسه قلب اللأم باكى

ف انتظار صحوة رجولتى

لسه بنبيعك يا وطنى

بالتراب مش بالدهب

صباح الخير يا قلمى

صباح الخير يا قلمى

بحبك بجد

وأخاف منك ؟

ساعات وأتخض

لو نكهة فكرة تشدنى شد

أحتاس ف الضمه والهمزات

وأحتد

لوجبت الكسرة مكان المد

وتعك الدنيا بالهنات

وتعطش جيم الجمع لفرد

وحروفك تطرح ورد ف ورد

مع ضمة حب

تخضّر كل خلاياالقلب

ياااه والله بحبك حب

يـا رب

يـــارب

وياعالم بسر بُكايا وجروحى

ورحماتك

سَكَنْ روحى

مليش غيرك فى كل الحال

وقدام قدرتك يا رب

مفيش ف حياتنا أى مُحال

صدق من قال

يا نور على نور

رضاك يا رب

أغلى منال